Kanë nisur aplikimet për regjistrimin e studentëve që dëshirojnë të ndjekin studimet në universitetet italiane për vitin akademik 2015-2016. Ambasada Italiane në Tiranë ka njoftuar se studentët kanë mundësi ta bëjnë para-regjistrimin prej datës 20 prill deri në datën 10 korrik 2015.
Regjistrimi i studentëve do të kryhet nëpërmjet tri fazave, ndërkohë që kriter është njohja e gjuhës italiane, e cila duhet të verifikohet nëpërmjet certifikatës së njohjes së gjuhës të nivelit B2, si dhe një garanci bankare rreth 6 mijë euro.
Studentët që dëshirojnë të fillojnë procedurën e para-regjistrimit, duhet të caktojnë një takim pranë Ambasadës Italiane përmes shërbimit “Prenoto Online” të kësaj faqeje interneti, duke zgjedhur shërbimin “Regjistrimet Universitare”, dhe afati i fundit është data 10 korrik.
Dokumentacioni që duhet të dorëzojnë personalisht studentët në datën e takimit është: Certifikatë personale; Formulari i Regjistrimit (Modello A) tërësisht i plotësuar por i pafirmosur;
Studentët duhet të shënojnë vetëm një degë universitare; Lista e të gjitha degëve mund të konsultohet në adresën http://www. studiare- in-italia.it/studentistranieri/; Formulari i Autentikimit të Fotografisë, tërësisht i plotësuar por i pa firmosur; Dëftesa e Pjekurisë dhe Certifikata e Maturës Shtetërore, në origjinal (ose kopje e njëjtë me origjinalin).
Studimet në Itali, fillojnë aplikimet, afati i fundit data 10 korrik
