Ka përfunduar marrja në pyetje e deputetit Tom Doshi nga dy prokurorët e çështjes dhe ende nuk ka një akuzë zyrtare ndaj deputetit socialist. Tom Doshi u paraqit në organin e akuzës ku qëndroi për rreth t orë. Deputeti nuk preferoi të jepte asnjë koment për mediat,
Prokurorët Adnan Xholi dhe Altin Binaj kanë marrë në pyetje deputetin socialist në cilësinë e personit që kryhen hetime për inskenimin e atentatit ndaj tij, ndërsa sipas avokatëve mbrojtës të Doshit, ende prokuroria nuk ka qenë e gatshme të komunikoj një akuzë.
Pas daljes nga Prokuroria e Përgjithshme, avokatët mbrojtës të deputetit Tom Doshi thanë për mediat se, Tom Doshi është ende me statusin e personit nën hetim.
“Nuk ka ende asnjë akuzë konkrete”, thanë avokatët, duke shtuar se, edhe pse i kanë kërkuar prokurorisë të formalizojnë një akuzë për klientin e tyre, deri tani nuk ka asnjë akuzë konkrete.
“Aktet e ekspertimit mbi sendet e sekuestrua mbi të cilat nuk ekziston asnjë fakt inkriminues që të përfshijë Doshin. Nuk i është komunikuar asnjë akuzë. Në kompjuterin e sekuestruar nuk ka asnjë video apo regjistrim. Do të kërkojmë lirinë dhe një ndër argumentet është se në sendet e sekuestruara nuk ka asgjë. Prokuroria nuk është formalizuar një akuzë. Akti i ekspertimit nuk thotë gjë në ngarkim të tij ai e ka thënë më parë që nuk ekziston asnjë video që kërcënon Bamin. Nuk besoj se do të thirret më për dëshmi, ndoshta vetëm për të formalizuar hetimin se aktualisht prokuroria nuk është se ka zbuluar diçka të rëndësishme”, u shprehën dy avokatët e Tom Doshit.
Prokuroria 3 orë pyetje për Tom Doshin, por ende pa asnjë akuzë zyrtare
