Qeveria maqedonase grabit dhe shet pronat e Nënë Terezës

Qeveria maqedonase zhvat pronat e nobelistes shqiptare Gonxhe Bojaxhiu-Nënë Tereza, denoncojnë mediat e shtetit fqinj.
Trashëgimtarët e saj vazhdojnë të kërkojnë të drejtën e pronësisë së tokës dhe pronës së tyre në sheshin e Shkupit, ndërkohë që qeveria e Maqedonisë i ka shitur tashmë truallin një kompanie me një vlerë prej 1 milionë e 600 mijë eurove, e cila do të ndërtojë një ndërtesë 16-katëshe bashkë me projektin e të ashtuquajtur “shkallët spanjolle”.

Kërkesa disa vjeçare e trashëgimtarëve të Nënë Terezës
Gombar Alojz, nipi i nobelistes shqiptare Nënë Tereza kërkon pronën e tij të trashëguar në qendër të Shkupit. Për vite me radhë ai kërkuar të drejtën e pronës së tij të trashëguar nga familja Bojaxhiu, ndërsa për këtë disponon të gjitha tapitë, dëshmitë dhe dokumentacionet përkatëse.
“Tapia për pronësinë e tokës më është dhënë nga Ministria e Jashtme e Shqipërisë në vitin 1947. Aty shkruhet se nëna e Gonxhe Bojaxhiut dhe familja e saj i japin në pronësi shtëpinë, hanin dhe oborrin kushëririt të tyre, Anton Josifovski, gjyshi i Gombar Alojzit. Që në vitin 2005 kam dorëzuar kërkesë në Kadastrën e Shkupit për të nxjerrë fletë-pronësi për pasurinë e tij, mirëpo deri tani pas tetë viteve nuk ka marrë asnjë përgjigje, ndërsa zyrtarët e këtij institucioni nuk kanë dashur të takohen dhe të komunikojnë rreth kësaj çështjeje. Vite me radhë ka shëtitur nëpër institucione, por nuk ka qenë i mirëpritur dhe nuk i ka ndihmuar kush. Unë dua pronën time dhe të gjyshërve të mi. Këtë e kërkojnë edhe fëmijët e mi”, shprehet Gombar Alojz, nipi i nobelistes shqiptare Nënë Tereza.
Në pronën e familjes së Nikollë Bojaxhiut, babait të Gonxhe Bojaxhiut – Nënë Terezës sot qëndron vetëm një pllakë mermeri, ku shkruhet se aty ka qenë shtëpia e vërtetë e familjes Bojaxhiu dhe humanistes shqiptare.
Alojz, një argjendar i njohur në Shkup ka zhvilluar takime me kryetarin e komunës Qendër, Andrej Zhernovski, i cili i ka dhënë shpresë për mundësinë e kthimit të pronës apo shqyrtimit të saj. Por edhe pas një periudhe të gjatë, nuk ka pasur asnjë përgjigje nga kjo komunë.
Kryetari i komunës Qendër, Andrej Zhernovski dhe ekspertë komunalë kanë krahasuar tapitë e ofruara me Planin Detal Urbanistik të Shkupit duke konstatuar se pronësia nuk është kontestuese.

Historia vazhdon, përgjimet në Maqedoni denoncojnë
Në një bisedë midis ministrit Mile Janakievski dhe kryeministrit Nikola Gruevski nga materialet e përgjimeve bisedohet për shitjen e një toke shtetërore për një person që supozohet se është shqiptar që kishte jetuar në Francë, por që pas 30 viteve ishte kthyer në Shqipëri.
Në këtë bisedë dëgjohet biseda e tyre se si ata nuk lejojnë që një biznesmen që supozohet shqiptar të investojë në pjesën qendrore të Shkupit.
Toka që bisedohet me hapësirë mbi 1000 metra katror i takon familjes së nobelistes shqiptare Gonxhe Bojaxhiu, dhe se aty pikërisht ishte shtëpia e saj në sheshin e sotëm të Shkupit.

Biseda e përgjuar
Mile Janakievski: Të presim takimin me atë që është i interesuar, për atë personin që të thash dhe që është i interesuar?
Nikola Gruevski: Po, por a e di nga cili vend vjen, a duhet lejuar për të hyrë, këtu në shesh, pastaj ata do të inkurajohen dhe do të hyjnë në shesh, e ke të qartë. Tjetër është që të hyjë për skaj Vardarit, në Kala apo tek Stacioni Hekurudhor, dhe tjetër është të hyjë në qendër.
Mile Janakievski: Por ai ka 30 vite që jeton në Francë, por nga atje e ka origjinën … (supozohet Shqipëria).
Nikola Gruevski: Nga atje a…
Mile Janakievski: Si fëmijë ka shkuar në Francë dhe 30 vite ka jetuar atje dhe sërish kthehet në Shqipëri.
Nikola Gruevski: Mysliman apo katolik është.
Mile Janakievski: Katolik.
Nikola Gruevski: Ai që e ka Radikën nuk është katolik, por ortodoks, hotelin Radika e kam fjalën.
Mile Janakievski: Katolik është dhe i dashuruar në barok. Do të thotë se njeriu me titull dhe me profesion është artist.
Nikola Gruevski: Aha, artist do të thotë për atë ai është aq i dhënë pas barokut

/DRONI.al/