Zëvendëskryetari i Komisionit për të Drejtat e Njeriut në Parlamentin Europian, Cristian Dan Preda ka shprehur kënaqësinë për aprovimin e amendamenteve të tij për luftën kundër korrupsionit në rezololutën për Shqipërinë. Për Dan Predan, kjo e keqe e madhe për vendin duhet ndalur duke filluar nga rastet e korrupsionit për zyrtarët e lartë.
“Lidhur me situatën politike në vend dhe veçanërisht rastet e deputëtevë me preçedentë kriminalë, mendoj, qe drejtësia duhet të funksionojë njësoj si për një qytetart të thjeshtë, ashtu dhe për një deputet. Proçesi duhet të bëhet në respektim të proçedurave gjyqësore. Personalisht jam shumë i kënaqur, që amendamentet që kisha paraqitur për shqetësimin lidhur me korrupsionin dhe luftën kundër këtij fenomeni në rezolutën për Shqipërinë u aprovuan. Mendoj, që duhet ndalur kjo e keqe e madhe në vend dhe duhet filluar nga rastet e korrupsionit për zyrtarët e lartë. Nga ana tjetër, është shumë e rëndësishme që dialogu poliitk në vend të jetë konstant dhe të mos bëhen hapa mbrapa me bllokime dhe bojkot”, tha ai.
Eurodeputeti Dan Preda perseriti se rruga europiane e vendit, kalon permes nje debati politik te qendrueshem dhe reforma europiane ne interes te vendit.
Eurodeputeti Cristian Dan Preda: Deputetët e inkriminuar duhet të shkojnë para drejtësisë
