Berisha: Shqiptarët ikin se u mungon buka e gojës

Ish-kryeministri Sali Berisha duke folur në Kuvend për largimin e mijëra qytetarëve muajt e fundit drejt vendeve të Europës tha se shqiptarët po ikin se po u mungon edhe buka e gojës. Sipas Berishës shqiptarët ikin sepse një klikë e urryer sundon sot Shqipërinë.
“Sot jemi në kohë eksodi, sot nga Kukësi, Orikumi, Saranda, Vlora e Durrësi e pika të tjera çdo ditë mijëra shqiptarë largohen nga Shqipëria. Nga njëra anë është largimi, por që është më e rëndë janë mijëra të tjerë që në muaj kërkojnë azil politik. Në muaj pranojnë të largohen nga Shqipëria të shkojnë në kampe. Pse more miq? Vetëm për një arsye, për copën e bukës. Marrin një copë bukë. A është kjo një klithmë e tmerrshme e bashkëatdhëtarëve tanë? Se statistikat zyrtare njëra është më e hidhura ajo varfërisë ekstreme. Arritëm ta ulim në 1.4 për qind sipas BB, sot ajo po shkon drejt 5 për qind, sipas statistikave tuaja”, tha ish-­kryeministri Berisha.
Ai shtoi se shqiptarët nuk rrinë dot më në këtë situatë sepse ka “Shtet terrori policor”.
“A e kuptoni që jeni barazuar me Assad­in?. “Eksodi për një komb ka një efekt rrënimtar. Reformat e ndërmarra vitaliteti i shqiptarëve bënë që vendi me shpejtësi të ngrihet drejt niveleve të reja të të ardhurave. Nga viti 2008 për herë të parë në histori shqiptarët u renditën në grupin e vendeve me të ardhura të mesme të larta”, tha Berisha.
Ndërkaq ai nuk ka lënë jashtë komenteve deputetin Koço Kokëdhima, ndaj të cilit PD-ja ka kërkuar heqjen e mandatit.
“Kush është këtu deputeti i Vlorës, thotë me krenari se prishëm 1.000 objekte, edhe ku? Njerëz paranojakë, që s’mendojnë se 1000 objekte ushqejnë 1000 familje, ku do shkojnë ata? Drejt Europës duke kërkuar azil politik…ndaj edhe thonë jemi më mirë në kamp, se këtu na japin një copë bukë, kurse në Shqipëri s’na japin bukë. Me ata që hundën në qiell dhe atë në diell, skenari grek po progreson, borxhi po thellohet. Zoti bastard i zografit…”.

/DRONI.al/