Partia Demokratike akuzoi sot kryeministrin Edi Rama sepse nuk po reflekton për dekriminalizimin por po forcon lidhjet përmes biznesit korruptiv në Lagunën e Patokut.
Bashkim Shehu, shefi i departamentit për çështjet e sigurisë në PD akuzoi Ramën se , “i ka dhënë me koncesion Lagunën e Patokut vëllait të deputetit Armando Prenga, i cili kishte krijuar kompaninë dy muaj më parë”
“Armando Prenga po forcon lidhjet me Edi Ramën përmes biznesit korruptiv në Lagunën e Patokut. Ky është një rast i pastër i lidhjeve kriminale me korrupsion. PD paralajmëron Edi Ramën dhe ortakët se nuk do të njohë kontratën korruptive në momentin e parë kur të marrë përgjegjësinë për vendin”, denoncoi Bashkim Shehu.
Laguna e Patokut, denoncon PD: Rama asnjë reflektim për dekriminalizimin, por po i forcon lidhjet përmes biznesit korruptiv
