Renditjen e UEFA-s, Shqipëria ngjitet në vendin e 33-të, lë pas Serbinë dhe Armeninë

Ecuria e shkëlqyer e kombëtares shqiptare në eliminatoret e Euro 2016 pasqyrohet edhe në renditjen e përgjithshme të UEFA-s.
Në përditësimin e fundit, skuadra kuqezi ka fituar dy pozicione, duke u ngjitur në vendin e 33-të.
Një kapërcim i rëndësishëm për përfaqësuen shqiptare, që nëse ruan ritmin edhe në sfidat e tjera mund të kalojë në një tjetër vazo për shortin e eliminatoreve të Botërorit 2018.
E shortuar në vazon e pestë për Euro 2016, nëse gjithçka do të përfundonte tani, atëherë Shqipëria do ishte në vazon e katërt.
Gjithsesi vendimtare do të jenë përballjet e mbetura deri në fund të eliminatoreve ku edhe kundërshtarët e tjerë mund të ndryshojnë vendet e tyre në klasifikim.
Sa I përket rivalëve në grup, kombëtarja kuqezi ka lënë pas Serbinë dhe Armeninë, përkatësisht në vendin e 34- të dhe 37-të.
Sa i përket kundërshtarëve të tjerë Poprtugalia, Danimarka por edhe Franca, këto skuadra janë në vendet e larta të renditjes së përgjithshme.
Francezët janë në vendin e gjashtë, Portugalia është ngjitur në vendin e shtatë, ndërsa Danimarka vazhdon të qëndrojë në vendin e 19-të të renditjes së përgjithshme të qeverisë europiane të futbollit. Renditja vazhdon të dominohet nga Gjermania, ndërsa treshja e parë plotësohet me Spanjën dhe Anglinë.

/DRONI.al/