Bernard Challandes, trajneri i kombëtares armene të futbollit, ka dhënë dorëheqjen pas ndeshjes me Shqipërinë, e cila fitoi dje në “Elbasan Arena” me rezultatin 2 me 1. Presidenti i Federatës së Futbollit të Armenisë (FFA) Ruben Hayrapetyan pranoi dorëheqjen e Challandesit, njoftoi FFA në ëebsiten e saj.
Bernard Challandes falënderoi FFAnë, stafin dhe tifozët armenë të ekipit kombëtar në një intervistë për faqen zyrtare të federatës.
“Unë kam ardhur në Armeni pothuajse një vit më parë dhe qëllimi im ishte për të përparuar me ekipin në raundin e fundit të ‘Euro 2016′. Kjo ishte një sfidë e madhe për mua. Kjo është përmendur qartë në kontratë, që ne duhet të merrnim pikë për kualifikimin, përndryshe unë do të largohesha. Ja pse çdo gjë është e qartë për mua tani. Sigurisht, 1 pikë pas 4 ndeshjeve nuk është mjaftueshëm, edhe nëse kemi parasysh të gjitha problemet gjatë ndeshjeve tona…”, tha Challandes, duke cituar si problem edhe kartonin e kuq të Hambardzumyan kundër Shqipërisë. “Gjithsesi nuk justifikohem”, shtoi ai.
Bernard Challandes Ai shton duke thënë se është i zhgënjyer me rezultatet, por jo me FFAnë, presidentin, apo këdo tjetër.
“Sigurisht jam i trishtuar që do të largohem nga ky vend i mrekullueshëm, sepse puna këtu ishte me të vërtetë një kënaqësi e madhe për mua. Unë i uroj armen ekipit kombëtar fat të mirë. Unë shoh potencialin që ne kemi. Gjithmonë do ta ndjek ekipin kombëtar armen. Shpresoj, se një ditë ju do të luani në Kampionatin Evropian ose Kupën e Botës”, mbyll deklaratën e tij tashmë ish-trajneri i ekipit armen të futbollit.
Trajneri i Armenisë jep dorëheqjen pas humbjes me Shqipërinë
