Një person ka grabitur nën kërcënimin e armës një shumë lekësh në një kazino, pas identifikimit është arrestuar nga Policia e Tiranës.
Sipas burimeve të Policisë vendore të Tiranës, mësohet se dje, rreth orës 17:50, në një kazino në autostradën Durrës – Tiranë, nën kërcënimin e një arme tip pistoletë i ka marrë një shumë lekësh punonjësit të kazinosë dhe më pas është larguar me një motor pa targa.
Shërbimet e Policisë pas njoftimit, bënë të mundur identifikimin dhe arrestimin e Duart Berziu, 48 vjeç, banues në Tiranë.
Në momentin e arrestimit, gjatë kontrollit të ushtruar në mjetin motor tip “Zongshen”, iu gjetën 6 doza lëndë narkotike, e dyshuar e llojit kokainë si dhe një shumë prej 18.000 lekë (të reja).
Nga ana e Policisë, u sekuestruan në cilësinë e provës materiale…
– Mjeti motor tip “Zongshen”.
– 6 doza lëndë narkotike e dyshuar e llojit kokainë.
– 18 000 lekë (të reja).
Materialet u referuan në Prokurorinë e Rrethit Gjyqësor Tiranë, në ngarkim të shtetasit të lartpërmendur për veprat penale “Vjedhje me dhunë” dhe “Prodhim dhe shitja lëndëve narkotike”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
