Flor Mumajesi rrëfehet për sëmundjen: Një ditë mund t’ju ndodhë dhe juve
Kur të gjithë mendonin se është i sëmurë dhe ka anuluar koncertet sipas statusit që Flori Mumajesi ndau vetë me miqtë, kantautori i pëlqyer i momentit shfaqet si një latin i nxehtë në klipin “Karma”, një bashkëpunim gjithë adrenalinë me Klajdi Harunin, Brunon e DJ Vickyn. Vetëm pak orë nga publikimi i klipit, kanë vërshuar pëlqimet dhe komentet për çunat e “Threedots”, duke e konsideruar “hit-in” e kësaj vere në gjuhën më në modë të stinës së verës, spanjishten.
Mumajesi anuloi koncertet për shkak të problemeve me shëndetin. Ishte vetë ai që i njoftoi ndjekësit me statusin në fjalë ku shkruante:
“Nuk di a duhej ta bëja këtë postim apo jo, por e ndiej detyrim për ata njerëz që nuk kanë mundur të më shohin në koncert. Kam dy ditë që luftoj me dhembjen në kraharor për të mos munguar, për të qenë aty me ju deri në minutën e fundit… Por nuk ia dola dot dhe është dhimbja më e madhe në të vërtetë… Pas këtij lëndimi rrezikoj t’i anuloj të gjitha koncertet. Doktorët më kanë dhënë një afat nga 3 deri në 6 javë për t’u rikuperuar, por unë shpresoj të bëhem mirë më shpejt. Shpresoj mos t’ju shqetësojë ky postim. Nuk më pëlqen ta dramatizoj më shumë, është një lëndim i kockës brenda në krah që duhet kaluar vetëm me energji pozitive. Ju dua!”, përfundonte statusi i muzikantit të njohur.
Sot ai ka reaguar me një status veçanërisht për ata që thotë se u ishte bërë qejfi për sëmundjen e tij dhe për ta ka një mesazh.
Statusi i plotë:
Faleminderit te gjithe atyre qe me kane shrkuar per shendetin keto dite, po edhe atyre qe nuk munden… Ndersa atyre qe ju be qejfi apo benin komente te tipit (MIRE TI BEHET) ju them se dje me ndodhi mua, neser mund t’ju ndodhi juve! Nuk mund te gezoheni me fatkeqsine e dikujt. Lutem per ju, Zoti ju pastrofte shpirtin dhe te kuptoni se eshte me bukur te duash se sa te urresh…Nga neser bashke me djemte do ti rikthehemi koncerteve.
