Kreu i PD, Lulzim Basha deklaroi sonte se nuk do të ishte në takimin që Mogherini do të zhvilloje me drejtuesit e partive opozitare.
I pyetur nga drejtuesi i emision Opinion, Blendi Fevziu, kreu i Partisë Demokratike, Lulzim Basha, në një lidhje të drejtpërdrejtë nga protesta para kryeministrisë ka sqaruar arsyet se pse Federica Mogherini gjatë vizitës së saj në Shqipëri nuk do të takohet personalisht me të.
“Pjesë e agjendës së saj do të jetë një takim me përfaqësues të partive politike, pjese e takimit do të jetë edhe përfaqësuesi i PD”, u shpreh Basha duke thënë se ky është formati i zgjedhur nga Mogherini.
“E rëndësishme është ajo që po i thuhet asaj. Do i thuhet që pacienti ka kollë të lehtë dhe do shurup apo që ka kancer dhe do shtruar me urgjencë”- vijon Basha.
“Unë e kam takuar zonjës Mogherini dhe do takoj sërish si kryeministër i Shqipërisë”, ka deklaruar Basha.
Mogherini vjen nesër në Tiranë në kuadër të një turi ballkanik. Edhe në Maqedoni Mogherini takoi drejtuesit e partive politike në një tryezë të përbashkët.
Pak orë më parë zyra e BE-së në Tiranë shpërndau një axhendë të cunguar të Mogherinit në Tiranë. Përfaqëuesit e PD do të takohen nesër me Komisioneren e Jashtme të BE. Dy nënkryetarët e PD, Edi Paloka dhe Edmond Spaho do të jenë në takimin me Mogherinin.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
