Kryeministri Edi Rama u detyrua sot të ndërpresë degjesën me qytetarët në Shkodër pasi një lumë kërkesash u derdhën përgjatë pak minutave.
Rama ka vijuar sot dëgjesat publike me qytetarë të Shkodrës duke marrë prej tyre ankesat për shërbime të ndryshme.
Një person është ankuar në lidhje me legalizimin e shtëpisë, proces që e ka nisur që në vitin 2005. Drejtori i legalizimeve tha se në Shkodër për katër vite janë bërë rreth 7 mijë legalizime por kanë mbetur edhe 15 mijë të tjera që ende janë në proces.
Gjatë fushatës elektorale, Rama tha se janë legalizuar mbi 100 mijë ndërtime por shifrat në Shkodër janë shumë të vogla.
Ndërkohë Rama ka vendosur përballë qytetarëve drejtorët lokalë që kishte marrë me vete.
Pothuajse për të gjithë drejtorët kishte ankesa që lidheshin me procedura dhe shërbime ndërkohë që binte në sy se mes tyre kishte edhe shumë socialistë të pakënaqur.
Rama ka zgjedhur një formë ballafaqimi me qytetarët, por ngjan të jetë e pamundur të kuptojë apo të zgjidhë problemet në mënyrë kolektive dhe aq më shumë edhe me media.
Shumë njerëz hezitojnë të thonë problemet e tyre në këtë formë, megjithëse edhe vetë kryeministri e ka të vështirë të mbajë rradhën e njerëzve për kërkesat.
Kryeministri rama e mir vetë fjalën në fund dhe tha se ishte e pamundur të merrte të gjitha ankesat e aq më pak ti zgjidhte ato. Ai tha se do të celet një platformë online ku qytetarët do të publikojnë problemet dhe administrata do ti trajtojë në mënyrë sistemime.
