Pronari i një argjendarie në “Rrugën e Dibrës”, u plagos me armë zjarri gjatë një tentative grabitjeje këtë të hënë, rreth orës 10:00.
Vangjush T. Kashara 28 vjeç, ndodhej i vetëm në argjendari, kur një person hyri me pistoletë në dorë dhe kërkoi paratë e bizhuteritë.
Pronari i argjendarisë refuzoi dhe u konfrontua fizikisht me të.
Për të shpëtuar, agresori qëlloi dy herë me pistoletë.
Njëri nga plumbat e kapi 28-vjeçarin në krah, ndërsa grabitësi u largua me vrap mes pallateve, duke humbur gjurmët.
Pasi mori ndihmën e parë mjekësore, Kashara i tregoi policisë versionin e ngjarjes.
Ai dha edhe detaje për grabitësin, duke e përshkruar si një bashkëmoshatar të tij rreth 1.60 centimetër.
Mbante veshur rroba të bardha.
Një shitës çantash ngjitur me argjendarinë tha se kishte dëgjuar të shtënat, por se nuk mundi të shihte asgjë pasi ndodhej në dyqanin e tij.
Në vendin e ngjarjes, policia sekuestroi dy gëzhoja të kalibrit 9 mm. Po këqyren gjithashtu edhe kamerat e disa bizneseve, ndërsa kamerat e argjendarisë rezultoi se nuk funksiononin.
Mwsohet se 28-vjeçari Kashara nuk njihet si person problematik dhe për policinë nuk ka dyshime që bëhet fjalë vetëm për grabitje.
Në vitin 1997, Kasharës i kanë vrarë nënën, Flutura Kashara në një tjetër tentativë grabitje të argjendarisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
