Gjykata e Shkallës së Parë e Tiranës, ka vendosur sot, gjykim të shkurtuar për dy të akuzuarit kryesorë për vjedhjen e 713 milionë lekëve në Thesarin e Bankës së Shqipërisë, Ardian Bitraj, Klevis Bejtjen dhe Mimoza Bruzia. Ky vendim do të sjellë një lehtësim të dënimit të tre të pandehurve pavarësisht masës që do të vendosë në përfundim Gjykata ndaj tyre.
Ardian Bitraj ka pranuar vjedhjen e 713 milionë lekëve nga thesari i Bankës së Shqipërisë. Ndërsa Klevis Bejtja dhe Mimoza Bruzia kanë pranuar akuzën për bashkëpunim në vjedhje.
Trupi gjykues ka vendosur që të procedohet sot me gjykimin e shkurtuar, ndërkohë që një seancë më parë edhe Prokuroria deklaroi se ishte dakord me një kërkesë të tillë. Mbi të dy rëndon akuza e vjedhjes së kryer në bashkëpunim.
Po në këtë seancë është vendosur të ndahet çështja për Klevis Bejtajn, nipin e Ardian Bitrajt, i cili e ka ndihmuar për të transportuar paratë që vidhte në bankë.
Ndërkohë Gjykata ka rrëzuar kërkesën e bërë nga Banka e Shqipërisë që të pandehurit Bitraj, Bejtja dhe Bruzia të kthenin lekët. Rrëzimin e kërkesë së BSH-së për kthimin e lekëve, Gjykata e ka argumentuar me qëndrimin se kjo kërkesë duhet dorëzuar në Gjykatën Civile dhe se kërkesa për kthimin e parave do të pengonte gjykimin penal. Në seancën e sotme u njoftua edhe veçimi i padisë së Bankës së Shqipërisë, dhe dërgimi i saj në Dhomën Civile, me pretendimin se ajo do të zvarritje procesin “Duhet hapur padi civile, padia zvarrit çështjen”, sipas Gjykatës.
Banka e Shqipërisë në kërkesën e saj pretendonte që të ktheheshin lekët e grabitura.
Pritet që në seancën e radhës Prokuroria që të paraqesë pretencën.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
