Tirana renditet e dyta, më e shtrenjtë, pas Podgoricës, në çmimet e ofruara mesatare për qiratë, si në qendër të qytetit, ashtu edhe në periferi të saj.
Të dhënat e agjencisë së njohur Numbeo bëjnë të ditur se Tirana lë pas Beogradin, Shkupin dhe Sarajevën, për nga çmimet më të larta në qiranë mesatare, për apartamente me 1 apo edhe me 3 dhoma.
Një qira mesatare prej 240 euro i mjafton një personi për të qenë banor në zemër të kryeqytetit shqiptar. Gjithashtu, referuar shifrave, vihet re një rritje e ndjeshme në çmime për brenda qytetit, kundrejt në periferi, me një diferencë mesatarisht 79.9 euro. Edhe për apartamente më të mëdha, me tri dhoma, Podgorica udhëheq rajonin me çmimin më të lartë për qiranë, prej 500 euro në qendër të qytetit. Tirana qëndron e para në listën e apartamenteve me tri dhoma në periferi, me 261.81 euro, me një diferencë prej 1.81 euro me Podgoricë.
Ndërkohë, sipas bankës së Shqipërisë, mësohet se gjatë tremujorit të katërt të vitit 2014, çmimet e banesave ndaluan rënien, ndërsa rritje pësuan tarifat e qirave
Indeksi i Qirasë, pas rënies së theksuar që shënoi në tremujorin e tretë të vitit 2014, u rrit me 4.9 për qind në terma realë në tremujorin e katërt të vitit 2014. Në këtë periudhë, raporti i indeksit të çmimeve ndaj qerasë regjistroi rënie krahasuar me një tremujor më parë, si dhe me një vit më parë, përkatësisht me 0.2 dhe 0.1 pikë për qindje. Ky tregues vijon të luhatet afër mesatares së gjashtë viteve të fundit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
