Një politikan i njohur belg, ish-kryetari i Partisë Socialiste Flamande, Robert Stevarts, është gjendur i vdekur në një kanal, disa orë pasi prokurorët kishin shpallur se ai do të dilte në gjyq me akuzën për përdhunim. Pas gjetjes së biçikletës së 60-vjeçarit fare pranë trupit të tij, policia në qytetin lindor Haselt, tha se dyshimet e para janë që Stevarts ka kryer vetëvrasje.
Për shumë vite deri në vitin 2009, ai ka qenë kryetar i Bashkisë, ku mbahet mend për dekretimin e transportit publik falas në vitin 1990.
Mediat belge thanë se ai i mohonte kategorikisht akuzat të ngritura dy vjet më parë nga një grua që pretendonte se në vitin 2010, Stevarts e kishte përdhunuar pasi ishin takuar në një set televiziv.
Lideri i Partisë Socialiste të pjesës frëngjisht folëse belge, Elio di Rupio, u kërkoi autoriteteve që ta zbardhnin ngjarjen për të mos njollosur më kot emrin e Stevartsit.
Akuzohej për përdhunim, vetëvritet ish-kryetari i Partisë Socialiste
