Ndërsa është duke u zhvilluar mitingu i PD-së në Vlorë, bie në sy pjesëmarrja e deputetit të PDIU-së, Dashamir Tahiri, i cili edhe përshëndeti protestuesit.
“I pamë për 45 vjet, i pamë edhe këto dy vjet, na çuan keq e më keq. Nuk ka rëndësi të majtë e të djathtë, të bashkohemi. Rroftë Shqipëria rroftë Çamëria”, ishte përshëndetja e Tahirit.
Prezenca e një deputeti të PDIU-së, kur tashmë është zyrtarizuar kalimi i kësaj partie në koalicion me PS-në në zgjedhjet vendore të 21 qershorit, është dëshmi i përçarjes së deputetëve të kësaj partie, i shprehur edhe më herët. Ndërsa pas marrëveshjes së Shpëtim Idrizit me Edi Ramën, Dashamir Tahiri, deklaroi pakënaqësinë e tij, duke paralajmëruar se do ti drejtohet elektoratit të kësaj partie, deputeti tjetër, Tahir Muhedini, bëri të ditur se negociata do të ketë edhe me PD-në.
Deputeti i PDIU-së, në mitingun e PD-së në Vlorë: I pamë për 45 vjet, i pamë edhe këto dy vjet, na çuan keq e më keq
