Debitorët më të mëdhenj të Ujësjellësit të Tiranës janë institucionet buxhetore. Vlere totale e debisë që rreth 330 institucione buxhetore i kanë Ujësjellësit të Tiranës kap shifrën e rreth 1.5 milionë dollarëve. Kjo debi ka filluar që nga viti 2013. Në listën e gjatë të debitorëve ndaj UKT-së, nuk mungojnë edhe disa Ambasada e përfaqësi të huaja diplomatike
Institucionet më problematike paraqiten Qendra Spitalore Universitare “Nënë Tereza”, Qyteti Studenti, Burgjet, e më pas vijnë shkollat e kopshtet e kryeqytetit.
Sipas drejtuesve të UKT, ata nuk mund të marrin masa ekstreme ndaj këtyre institucioneve debitore për ndërprerje të ujit, por po ndjekin hapat ligjore, duke iu drejtuar gjykatës dhe Përmbarimit.
Debitorët
QSUT, 43 milionë lekë (të reja)
Senatoriumi, 21 milionë lekë (të reja)
Spitali i Traumës, 15 milionë lekë (të reja)
Ministria e Arsimit
Ministria e Integrimit
Ministria e Ekonomisë
Ministria e Financave
Burgje
Gjykata
Shkolla dhe kopshte të kryeqytetit
Universiteti i Tiranës
Universiteti Bujqësor
Ambasada e përfaqësi diplomatike
