Në 15 prill do të jetë një numër i konsiderueshëm i mjekëve, infermierëve dhe stomatologëve që duhet të lënë licencat e tyre sepse janë me “0” kredite.
Janë rreth 25 për qind e profesionistëve të shëndetit nuk kanë plotësuar kreditet ndërsa Urdhri i Mjekut thotë se një pjesë e mirë e bluzave të bardha i kanë marrë në mënyrë fiktive kreditet. Në këtë 25 përqindësh të profesionistëve të shëndetit, që nuk kanë plotësuar kreditit, janë mjekë, infermierë, stomatologë dhe laborantë, për të cilët në 16 prill spitalet shpallin vendet vakante për profesionistët e shëndetit me “0” pikë.
Sipas burimeve të drejtorisë së Qendrës Kombëtare të Edukimit, mësohet se 252 mjekë në 16 prill duhet pushohen nga puna sepse kanë “0” kredite ndërsa 1548 mjek nuk i kanë të plotësuar 150 kreditet.
Presidenti i Urdhrit të Mjekëve Dine Abazaj thotë se mjekët nuk pushohen nga puna me urdhër ministrie dhe se shumica e krediteve të plotësuar janë fiktive. Kreu i Urdhrit të Mjekut thotë se në spitale publike të vendit ka mungesë të mjekëve dhe largimi nga puna prej tyre më “0” kredite do të përkeqësonte më tej situatën.
Ndërkohë, mjekët, farmacistët dhe stomatologët, të cilët nuk i nënshtrohen procesit të kualifikimit të vazhdueshëm, do të pezullohen. E vetmja mënyrë për të rifituar të drejtën e ushtrimit të profesionit do të jetë provimi i ricertifikimit.
Këto janë edhe dy ndryshimet që parashikohen në projektligjin “Për kujdesin Shëndetësor në Republikën e Shqipërisë”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
