Glaxo Smith Kline, kompania e gjashtë në botë për industrinë farmaceutike ka vendosur të largohet nga Shqipëria. Ne letrat e saj dërguar Ministrit Veliaj dhe ministrit Beqja i lajmëron ata për mbylljen e zyrave në Tiranë dhe largimin kolektiv nga puna të njëzetë punonjësve të vet. Nënkryetarja e komsionit të Shëndetësië, Albana Vokshi tha se ajo po largohet për shkak të klientelizmit të minsitrisë dhe se pasojë e kësaj do të jetë rënia e cilësisë së ilaceve.
Ndërkaq kompania shkruan se shkak është rikstrukturimi i kompanisë në Shqipëri por theksin e vë edhe tek kriza ekonomike në tregun lokal. Ajo konfirmon se do të kryejë aktivitete kryesisht të lidhur me asistencën dhe nuk përmend më aktivitete që lidhen me shpërndarjen e produkteve farmaceutike.
Ministria e Shëndetësisë në një komunikim të saj këmbëngul se Glaxo vazhdon ende aktivitetin në Shqipëri. Edhe ajo citon të njëjtën letër por shton disa shifra të aktivitetit ekonomik të kësaj kompanie në Shqipëri. Sipas ministrisë së Shëndetësisë ajo ende sjell produkte farmaceutike në vend. Por në fakt ato shifra janë kontrata të mëhershme në kushtet kur nuk ishte marrë vendimi i largimit. Pak muaj më parë qeveria vendosi uljen e cmimeve për disa ilace të cilësisë së lartë. Por ulja e këtij cmimi nuk ka reflektuar në të gjithë listën e ilaceve. Lista e rimbursimit është shtrenjtuar cafrë bie erë favorizimi për disa kompani dhe për disa të tjera ndëshkim.
Largimi i Glaxo Smith Kline është lajm i keq edhe kur ajo thotë se po largohem për risktrukturim. Po aq lajm i keq është që për 3 muaj rresht qoftë ministri Veliaj e qoftë ministri Beqja e mbajtën të fshehur këtë informacion.
Gjigandi i farmaceutikës e ka braktisur Shqipërinë
