Rreth 40 vetë u vranë të premten në atë që autoritetet e përshkruan si një betejë në shkallë të gjerë në mes policisë dhe një karteli droge në Meksikën perëndimore.
Pothuajse të gjithë të vrarët ishin kriminelë të dyshuar, tha një zyrtar i policisë federale, i cili foli në kushte anonimiteti për shkak se nuk ishte i autorizuar për të folur me gazetarët.
Një video e publikuar nga AP tregoi policinë federale duke qëlluar ndërkohë që ishte vendosur në formacion luftimi përgjatë një ferme.
Beteja filloi rastësisht kur oficerë të policisë federale ndaluan një kamion në autostradë. Papritur personat brenda kamionit hapën zjarr ndaj policisë.
Në prill, besohet se të njëjtët persona të armatosur i bënë pritë një karvani policor duke vrarë 15 policë dhe plagosur pesë të tjerë. Pak ditë më parë nga e njëjta bandë u rrëzua një helikopter ushtarak me një raketë raketë duke vrarë tetë ushtarake në bord.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
