Këshilli për Mbrojtjen e të Drejtave dhe Lirive të Njeriut në Kosovë ashtu si edhe familjarët e viktimave dhe një pjesë e mediave në Shqipëri dhe Kosovë, ka dyshime se disa prej viktimave të Kumanovës janë vrarë pasi janë dorëzuar.
KMDLNJ bazohet në dëshminë e dëshmitarëve që kanë marrë pjesë në luftime dhe që kanë treguar se disa nga të vrarët kanë qënë gjallë në momentin e dorëzimit dhe janë shpallur të vrarë më pas.
Dyshimet i shtojnë edhe këto dy foto që sjell Portali Albeu, në të cilat mendohet se janë Beg Rizaj dhe Mirsad Ndrecaj në momentin e arrestimi nga policia maqedonase.
Të dy këta persona janë sjellë ditën e djeshme në Kosovë, të vdekur, dhe për të mësuar se çfarë ka ndodhur në të vërtetë më 9 dhe 10 maj në Kumanovë duhet të presim lirimin e të arrestuarve, si edhe autopsitë e zhvilluara nga autoritetet e Kosovës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
