FOTO/ Vjedhja e NBG Bank e planifikuar tre ditë para, shuma e vjedhur 8.5 milionë lekë

Tre të arrestuarit si të dyshuar për vjedhjen e degës së NBG Bank, te rruga e Kavajës, disa ditë më parë, janë paraqitur sot, për masën e sigurisë në gjykatë.
Prokuroria, ka bërë të ditur në seancën gjyqësore se tre të arrestuarit, Kristi Sulollari, Kristi Kajo dhe Rei Cenolli, e kishin planifikuar grabitjen tre ditë para realizimit të saj. Po ashtu, prokuroria ka bërë të ditur në seancën e caktimit të masës së sigurisë, se shuma e grabitur nga tre të dyshuarit, është 847 mijë lekë (të reja).
Në përfundim të prezantimit të provave, prokuroria kërkoi si masë sigurie, “Arrest në burg” për tre të arrestuarit.
Gjykata u shpreh dakord me kërkesën e prokurorisë, duke vendosur të lërë në “burg pa afat” tre ët arrestuarit e dyshuar.
Tre personat e akuzuar si grabitës të bankës në “Rrugën e Kavajës” në kryeqytet, do të qëndrojnë në burg deri në fund të hetimeve. Gjykata e Tiranës ka vendosur masën e sigurisë “arrest me burg” për Kristi Kajo, Rei Cenollin dhe Kristi Sulollari, të cilët dyshohet se morën 8.5 milionë lekë të vjetra nga banka.
Në seancën e vlerësimit të masës së sigurisë, ata e pranuan akuzën dhe u shprehën të penduar për veprimin, duke kërkuar një masë më të butë. Avokatët thanë se grabitja nuk është bërë me armë, por me pistoletë çakmak.
Dy ditë më parë, Policia e Tiranës zbardhi  grabitjen e ndodhur në filialin e NBG Banke në “Rrugën e Kavajës” në kryeqytet duke vënë në pranga tre autorë të dyshuar, të tre 19-vjeçarë.
Jo vetëm kaq, por Sektori kundër krimeve të rënda, sektori i Operacioneve Speciale, Komisariati i Policisë nr. 1 , në bashkëpunim dhe me Prokurorinë e Rrethit Gjyqësor Tiranë, bënë të mundur finalizimin me sukses operacioni policor i koduar “YARIS”, si dhe arrestimin e tre të dyshuarve
Zbardhja e ngjarjes nga policia u bë për shkak të makinës, me të cilën lëviznin grabitësit. Kristi Sulollari, i cili punonte si kamarier, solli me një makinë tip “Toyota Jaris” dy shokët e tij, vetëm disa metra larg bankës.
Identifikimi i dy grabitësve, Kajo dhe Cenolli, u bë nga ngjashmëritë fizike, ndërkohë që të rinjtë janë regjistruar nga kamerat e disa bizneseve në rrugicat që lidhin “Rrugën e Kavajës” me rrugën “Myslym Shyri”, deri kur hipën në të njëjtin automjet që i solli te banka.
Policia arrestoi Kristi Kajon në shtëpinë e gjyshërve të tij në Rrugën “Irfan Tomini”, Rei Cenollit iu vendosën prangat në Voskopojë, në shtëpinë e xhaxhait të tij, ndërsa Kristi Sulollari u arrestua në vendin e tij të punës.

Të arrestuarit
1- Kristi Sulollari, 19 vjeç
2- Kristi Kajo,  19 vjeç
3- Rei Cenolli, 19 vjeç

Provat e sekuestruara
6.879.000 lekë të vjetra,
3  aparate celulare,
një kapele e përdorur në ngjarje
si dhe mjeti “Toyota Yaris” me targe AA 861 LD që u përdor në ngjarje për të sjellë dhe larguar autorët.

Për më shumë mund të lexoni edhe …
/web/Arrestohet_kamerieri_i_Tajwani_it_vodhi_me_dy_shoke_NBG_Bank_tre_dite_me_pare_2545_1.php

/DRONI.al/