Gjermania do të pezullojë marrëveshjen e lëvizjes së lirë e njohur ndryshe si Shengen. Sipas mediave gjermane, nga dita e sotme deri më 15 qershor kufijtë e Gjermanisë do të mbyllen për t’iu nënshtruar kontrolleve të rrepta ashtu siç bëhej para vitit 1993, vit kur është miratuar edhe marrëveshja e famshme e Shengenit, shkruan telegraf.
Vija kufitare me Austrinë dhe Poloninë do të ketë një vëmendje më të veçantë, pasi pikërisht nga këto shtete futen shumica e emigrantëve në Gjermani.
Arsyeja e këtij vendimi është Samiti G7 që do të zhvillohet në kështjellën Elmau në Bavari më 7 dhe 8 qershor.
Frika se në këtë zonë mund të mbërrijnë manifestues të dhunshëm kundër kësaj “aleance”, siç ka ndodhur gjithnjë, ka detyruar Ministrinë e Brendshme gjermane që të marrë këtë vendim të përkohshëm.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
