Foto e famshme e Erion Veliajt me fëmijën rom në krahë në dalje të spitalit, provokoi debat, kur u shpërnda për mediat. Vërtet ishte prekur Veliaj nga fëmija me këmbën e thyer, apo kjo ishte një tjetër skenë teatrale, që ai të dukej njerëzor dhe i dhimbsur, siç ia kërkonte detyra?
Foto ishte perfekte. Nga mimika, dukej sikur Veliaj po e përjetonte vetë dhimbjen e këmbës së thyer të Elidonit të vogël. Përtej, dera e hapur e makinës së ministrisë, për romin e vogël.
Perfeksioni në foto, ngjallte dyshime nëse meraku i Veliajt ishte si do të dilte poza në atë moment, apo vërtet ai ishte prekur nga fatkeqësia e fëmijës dhe diskriminimi në spital?
Veliaj e tregoi edhe njëherë sot historinë.
Për shkak të një konflikti të ri me romët, që shisnin te tregu pranë spitalit, e përdori edhe njëherë Elidonin. Por në vend të thoshte se fëmija kishte thyer këmbën, tha që kishte thyer dorën.
Para tij ishin kamerat që transmetonin direkt, dhe sytë e Edi Ramës që e ndiqnin. Të pranishmit nuk e kuptuan gafën e Veliajt, ndërsa për këtë të fundit pak rëndësi ka. Si këmba e thyer, si dora e thyer, fëmijën si mish për top po e përdor, sa herë që e kërkon nevoja.
“Shqipëria për të cilën po flasim sot, duket sikur i përkiste 100 vjetëve më parë, apo asaj të kujtimeve të Eqrem Bej Vlorës”, shtoi Veliaj duke ju rikthyer historisë me Elidonin.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
