Rama – Vucic, projektet e përbashkëta strategjike për të cilat diskutuan

Burime diplomatike bëjnë të ditur se tema kryesore në bisedimet Rama-Vucic kanë qenë projektet për investime të përbashkëta strategjike si autostrada, linja hekurudhore, investime në energji, që shtojnë komunikimin me dy vendet, rajonin dhe Europën. Këto projekte pritet të paraqiten në tryezën e bisedimeve në takimin e Vienës, në vijim të atij të Berlinit, në kuadër të Nismës së re të BE për Ballkanin Perëndimor, të lançuar në Berlin nga kancelarja Merkel në gusht të vitit të kaluar.
Të njëjta burime bëjnë të ditur se bashkëpunimi për stabilitetin dhe sigurinë në rajon ka qenë një temë tjetër e rëndësishme në bisedimet dypalëshe.