Elbasan, shkoi për kafe hidhet nga kati 11, përfundon i vdekur në katin e tretë

Një 27-vjeçar është hedhur nga veranda e një pallati në qytetin e Elbasanit duke gjetur vdekjen.
Mësohet se 27-vjeçari me iniciale S. L., ka hipur në verandën që ndodhej në katin e 11-të të një pallati, ku ndodhej një bar-kafe, i ka dhënë porosinë kamarierit dhe më pas është hedhur. Trupi i tij mësohet se është gjendur i pajetë në ballkonin e katit të tretë, ku mendohet të ketë rënë pas hedhjes.
Ngjarja ka ndodhur rreth orës 15:00 të ditës së diel, në një pallat pranë dy gjimnazeve “Konstantin Kristoforidhi” dhe “Dhaskal Todri”. Policia ka kryer të gjitha veprimet hetimore në vendngjarje dhe po punon për zbardhjen e rrethanave, ndërkohë që dyshohet se shkaku që mund ta ketë çuar të riun drejt këtij akti të ketë qenë gjendja e rëndë depresive.