Ekipet e polombarëve ndërkombëtarë që janë duke zhytur në fundin e Liqenit të Ohrit, kanë zbuluar në afërsi të Pogradecit pjesë të një aeroplani për të cilin është folur edhe më herët në Pogradec.
Bëhet fjalë për një aeroplan nga Lufta e Dytë Botërore dhe sipas informacioneve nga Pogradeci, ka të bëjë me një aeroplan gjerman, por, sipas Sekullovskit, drejtues i ekipit të zhytësve, nga pjesët e gjetura të aeroplanit, fjala është për një aeroplan anglez.
“Për këtë aeroplan është ditur dhe ne vetëm e zbuluam dhe e dokumentuam. Shumë nga banorët e Pogradecit dhe të vendeve përreth kanë thënë se është aeroplan gjerman, por përkundrazi, bëhet fjalë për një aeroplan anglez. Pra, pas dokumentimit të pjesëve të aeroplanit, konstatuam se për çfarë aeroplani bëhet fjalë, sepse nën ujë duken vetëm pjesët e këtij aeroplani”-ka deklaruar Sekullovski.(ina)
Gjendet një avion në liqenin e Pogradecit
