FOTO/ Trafik ndërkombëtar kokaine, fshehur në frytet e ananasit

Një sasi e konsiderueshme prej 200 kilogramë kokaine e fshehur në dërgesat me ananas, është zbuluar nga Divizioni Narkotikëve, të policisë spanjolle. Anija mbante drogë të nisur nga Amerika Qendrore drejt Spanjës, bëri të ditur zyrtarisht Ministria spanjolle e Punëve të Brendshme.
DEA ka identifikuar një total prej 10 kontenierësh me ananas, që ishin “mbushur” me drogë dhe që kishin mbërritur me anije në portin jugor të Algeciras, një nga portet më të mëdha evropiane.
Sipas njoftimit të Ministrisë së Brendshme spanjolle mësohet se, “në mesin e mijëra frutave ananas të freskëta, gjeti enë të mbushura me kokainë, që zëvendësonin tulin e frutave”.
Kokaina ishte fshehur nën dyllin e verdhë dhe nën lëkurën e ananasit, ajo i ngjante frytit.
Aktualisht mbetet i panjohur vendi i origjinës së drogës, ndërsa përfituesi ishin dy kompani, njëra në Madridi dhe një në Sant Valvola Quirze, pranë Barcelonës. Pronarët e dy kompanive thonë se ngarkesa ka prejardhje kolumbiane.
Deri më tani policia ka kryer tre arrestime. Sipas burimeve të policisë, rasti pritet të pasohet me një sërë arrestimesh, si edhe hetime të mëtejshme në vazhdim.
Vitin e kaluar në të njëjtën port spanjoll u gjetën dhe sekuestruan 2.5 ton kokainë në një anije po me ngarkesë ananas, që vinte nga Kosta Rika. Lidhjet e ngushta të Spanjës me Amerikën Latine kanë bërë që vendet europiane si “pritëse” ngarkesash droge  të shfrytëzojnë lëvizjen e saj në Europë përmes Atlantikut.
Trafikantët shpesh shpikin metoda të papara për të trafikuar drogë pa u dalluar.
Në vitet e fundit, policia ka identifikuar implante silikoni me kokainë, një parukë, një grup rondelash, etj. Për më tepër, në shumë raste transportuesit e drogës përdorin edhe metodën e gëlltitjes.
Gjatë periudhës 2011 – 2012 në mbarë botën u zbuluan dhe publikuan raste me min-nëndetëse që u zbuluan në xhungël nga autoritetet kolumbiane. Mini-nëndetëset janë përdorur nga ana e karteleve të drogës për të transportuar sasi të mëdha të kokainës nga Amerika Latine në Europën Qendrore dhe nga andej për në brigjet e Afrikës Perëndimore.

/DRONI.al/