Nga studio e emisionit “5 pyetje nga Babaramo”, Presidenti i Republikës Bujar Nishani ka akuzuar ish-ministrit të Brendshëm Saimir Tahiri për politizim të Policisë së Shtetit, duke sjellë si provë edhe konstatimin siç tha ai që ka bërë Prokuroria, për pajisjen e paligjshme te përgjimit pranë banesës se Presidentit.
“Ka pasur tentativa për të përgjuar jetën private të Presidentit dhe familjarëve të mi”, tha Nishani.
Keni thene se jeni i gatshëm të jepni prova që Policia e Shtetit është e politizuar. Kush janë këto prova?
Bujar Nishani:
Akuza të forta politike kundër opozitës. A mundet, s’ka ndodhur kurrë më parë pas vitit 90, a mundet që një minister i Brendshëm në krahë të drejtuesve të policisë të akuzojë, kërcënojnë, shantazojë politikisht opozitën politike të vendit? Kjo s’ka ndodhur një herë, ka pasur disa raste.
Jane denoncuar tentativa për të përgjuar jetën private të Presidentit të Republikës.
Koha tregoi që kisha të drejtë. Fakti që u zbulua nga prokuroria aparatura që bënte përgjime. U verifikua gjeografikisht pranë territorit ku banonte presidenti dhe u refuzua nga policia të dorëzohej në prokurori për t’u hetuar, janë te dhena shqetësuese për politizimin e policisë, s’e kam fjalën për oficerin e policisë kriminale..atje ku banon presidenti është konstatuar nga ana e prokurorisë…distancat s’mund t’i them.
Nuk e di kush ka qenë objekt përgjimi përvec banesës sime por aparatura e paligjshme e përgjimit u identifikua, u kërkua të hetohej por jo vetëm që u refuzua por ministri i Brendshëm dhe punonjësit e policise qe e kishin përdorur por bënin demonstrime publike përballë institucionit të Presidentit.
Patjetër që do jenë pjesë e proceseve hetimore dhe verifikuese por tregojnë atë që kam deklaruar për politizimin e skajshëm të Policisë së Shtetit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
