Një aeroplan i vogël është rrëzuar në një autostradë në Meksikë, duke lënë të vdekur 5 personat që ndodheshin në bord.
Autoriteti i Aviacionit Civil në Meksikë ka bërë të ditur se avioni u rrëzua në anë të rrugës ndërmjet Mexico City-t dhe Queretaro-s, një nga autostradat me trafikun më të rënduar në Meksikë, por fatmirësisht avioni nuk është përplasur në momentin e rënies me asnjë automjet, duke mos shkaktuar viktima të tjerë.
Drejtori i Mbrojtjes Civile në Meksikë, Gerardo Quirarte Perez, u shpreh se piloti mund të jetë përpjekur për të bërë një ulje emergjente në autostradë menjëherë pas ngritjes nga aeroporti i Queretaro-s. Megjithatë shkaqet e aksidentit ajror janë ende të paqarta.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
