Zyra e propogandës së ISIS publikon thirrjen e dytë për shqiptarët pas asaj që bëri para një viti me Lavdrim Muhaxherin. Por kësaj here nuk është thirrje për pjesëmarrje por ndëshkim për mospjesëmarrje. Seksioni për media i ISIS-it, Alhayat Media Center, ka publikuar një dokumentar propagandistik për Ballkanin, në të cilin pjesëtarët e tij shprehin akuza dhe kërcënime ndaj jobesimtarëve në Ballkan. Aty shqiptarët konsiderohen ateistë në një pjesë të mirë duke patur parasysh kohën e diktaturës, pasi teksti i videos përmend Enver Hoxhën.
Dy shqiptarët që flasin janë Abu Bilqis (Al Albani), minuta 5:50 dhe Abu Muqatil (Al Kosova) minuta 15:15. Abu Muqatil përcjell edhe kërcënimin për jobesimtarët në Ballkan.
“I dërgoj mesazh taghutave (që adhurojnë idhujt, por jo Allahun) të Kosovës, Maqedonisë dhe Shqipërisë, dhe gjithë Ballkanit: mos mendoni se ne e kemi harruar për zullumin të cilin ju ja bani myslimanëve”.
“Mos mendoni se ne e kemi harruar për armiqësimin që ia keni bërë dinit të Allahut”.
“Mos mendoni se ne e kemi harruar për nënçmimin dhe përuljen që ju ja bëni myslimanëve dhe fesë së Allahut”.
“Vallahi do të vijnë ditë të zeza për juve. Vallahi do të keni frikë të ecni nëpër rrugë. Do të keni frikë të punoni nëpër zyrat e juaja.Do të keni frikë e do të tmerroheni e të trishtoheni edhe në shtëpitë e juaja. Do të keni frikë e do të tmerroheni e të trishtoheni edhe në ëndrrat e juaja edhe atëherë kur ju flini. Ne do t’ju mposhtim juve me lejen e Allahut. Do t’ju mbysim juve me lejen e Allahut. Do t’ju vijmë me eksplozivë”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
