Kosova: Rivali im ka axhendë personale, nuk është njëri nga ju

Kandidati I opozitës për Tiranë, Halim Kosova u tha sot qytetarëve të Tiranës se modeli që vjen nga rivali I tij I majtë është I tillë që “që për ti rënë shkurt ofron konflikt politik, axhendë personale, dëshirë të pafre për karrierë e ambicie, abuzim në kurriz të qytetarëve, mashtrim, mosmbajtje premtimesh, dhe sigurisht shumë fjalë.
Ky është një moment historik për tu shkëputur nga ky model. Për ti dhënë madje një leksion politikës se ne qytetarët e Tiranës, të djathtë të majtë e të paparti, duam të zgjedhim vetë, dimë të zgjedhim vetë, duam të sjellim në krye të Bashkisë një nga ne, që nuk ka axhendë tjetër përpos asaj që duan çdo ditë qytetarët në jetën e tyre, që nis nga dera e shtëpisë, në rrugë, në shkollë, në ambjentin ku punojnë apo kalojnë kohën e lirë. Ta bëjmë të shenjtë e ta mbrojmë interesin e qytetit ku lindim, rritemi e projektojmë ëndrrat tona”.

Ai theksoi edhe disa nga projektet e tij: “Do të ul me 30 përqind taksat. Biznesi i vogël që është motorri i zhvillimit do të marrë frymë, do të dalë nga gropa ku gjendet, do të rritet e do të krijojë vende pune. Projekti im për infrastrukturën shkon lagje më lagje, aty ku ti banon. Unë e di se Tirana nuk është një koncept abstrakt, por është qyteti që fillon në derën tënde. Aty do të më gjeni mua, mos kujtoni se jam njeri zyre që bëj kalkulime për interesat e grupeve e klaneve, apo që bëj aritmetikën e karrierës. Do të sjell ujë 24 orë në Tiranë. Me ekspertët më të mirë që kam në krah, kemi vlerësuar se ekzistojnë të gjitha mundësitë teknike. Duhet vullnet. Unë e kam vullnetin, do të nis punën menjëherë pas 21 qershorit. Do të krijoj vende të reja pune kudo ku është e mundur. Me lehtësitë ndaj biznesit dhe 3 fishimin e fondit të garancisë për të stimuluar sipërmarrjet e reja. Mezi pres të nis një punë e cila do të mbikqyret nga 1 milionë banorë”.

/DRONI.al/