Qeveria libiane e Tobrukut, e vetmja e njohur nga komuniteti ndërkombëtar, njoftoi se terroristi i njohur, Mohtar Belmohtar, lider i njohur i al-Kaedës në Afrikën e Veriut, kishte mbetur i vrarë pas sulmeve ajrore amerikane gjatë natës së kaluar në territorin libian.
Ky operacion, i pari i këtij lloji që nga bombardimet e NATO-s kundër ish-diktatorit Muamar Gadafi, u konfirmua edhe nga Pentagoni.
Belmohtar konsiderohej përgjegjës për tragjedinë e vitit 2013 në impiantin e gazit në Amenas, Algjeri.
“Avionët amerikanë kryen një operacion që çoi në vdekjen e Mohtar Belmohtarit dhe të një grupi libian që i përkiste një organizate terroriste në lindje të Libisë”, tha qeveria libiane e Tobrukut në “Facebook”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
