Berisha ndërsa ka analizuar zgjedhjet lokale, zbuloi edhe një fakt tjetër i cili pëshpëritej që në vitin 2012 por nuk ishte konfirmuar zyrtarisht nga asnjë politikan i rangut të lartë në vend. Ilir Meta ka dashur të bëhet President në vitin 2012, por është refuzuar nga PD dhe Berisha. “Deshi të bëhej president. Doli kartoni i kuq, harroje i thashë”, tha Berisha, në emisionin “Vendore 2015” të ABC news.
Në vijim Berisha tha se nuk besoj sondazhet. Janë 42% të pavendosur që i dalin një kompanie të huaj mjaft prestigjioze. Kjo shkallë e lartë e personave që nuk përgjigjen e bën të papranueshëm sondazhin. Ja një shembull tjetër, Duma kishte dalë 4% më shuam se Gjushi por sondazhi e fshehu, tha Berisha.
Lidhur me përfshirjen e fëmijëve të Berishës në politikë, ai tha se “fëmijët e mi e kanë të lirë rrugën të merren sa të duan me politikë. Ata kanë patur kufizim për kohën që isha kryeministër. U përket atyre të vendosin”, tha ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
