Policia e Shkodrës bllokoi sot një sasi prej 12 kg kanabis dhe arrestoi një person në doganën e Morriqanit.
Në vijim të punës së pandërprerë për goditjen e trafikimit të lëndëve narkotike, nga shërbimet Policisë Kufitare në Muriqan në bashkëpunim me Seksionin Kundër Narkotikëve në D.V.P.Shkodër, në bazë të informacioneve të siguruara në rrugë operative, më datë 21.03.2017, u godit një tjetër rast i tentativës për trafikim të lëndëve narkotike, ku u arrestua në flagrancë shtetasi:
* Arel Bitri 27 vjeç, banues në Paskuqan, Tiranë.
Arrestimi i tij u bë pasi nga shërbimet e Policisë, gjatë kontrollit të detajuar, në mjetin tip “Volksëagen” me targë AA108PF, në dy anësoret poshtë dyerve të automjetit, ju gjet e bllokua në cilësinë e provës materiale:
*12 pako me peshë 10 kg lëndë e dyshuar si narkotike Cannabis Sativa.
Nga veprimet hetimore të kryera, rezulton se shtetasi i mësipërm kishte si destinacion vendet e BE.
Materialet proceduriale iu referuan për veprime të mëtejshme, Prokurorisë të Krimeve të Rënda Tiranë, për veprën penale: “Trafikimi i narkotikëve” i parashikuar nga neni 283/a i kodit penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
