Skuadra “Shqiponja” e Policisë së Tiranës, ka arrestuar një pjesëtar të bandës së “Babagjyshërve” të cilët kanë kryen vjedhje me armë në Qendrën tregtare TEG.
Sipas policisë, u arrestua shtetasi Mark Shpendi, 27 vjeç i shpallur në kërkim pasi Prokuroria pranë Gjykatës së Shkallës së Parë për Krimet e Rënda ka dërguar urdhrin për ekzekutim e vendimit penal, ndërsa ka caktuar masën e sigurisë “Arrest me burg” për veprën penale “Vjedhje me armë” , “Grup i strukturuar kriminal” , “Kryerja e veprave të kryera nga grupi kriminal” nga nenet 140, 333/a, 334 i Kodit Penal.
Mark Shpendi është personi i 7 që vihet në pranga si anëtarë i bandës së babagjyshave që dy vite më parë grabitën argjendarinë në qendrën tregtare TEG në kryeqytet. Kreu i kësaj bande është Ilir Kupa.
Kupa akuzohet nga drejtësia greke për arratisje nga vendi i vuajtjes së dënimit, armëmbajtje pa leje dhe tentativë vrasje e policëve, ku në përfundim të këtij procesi gjyqësor dënimi për këto vepra penale pritet t’i shtohet atij me 8 vite që Kupa është dënuar nga Gjykata e Tiranës vetëm për armëmbajtje pa leje. Grabitja e argjendarisë po hetohet ende nga Krimet e Rënda ndërsa ndër të arrestuarit procesi gjyqësore nuk ka mbaruar ende për asnjë nga të dyshuarit, të cilën të veshur si babagjysh më 24 dhjetor 2013 arritën të merrnin rreth 300 mijë euro bizhuteri.
Ndër grabitjet që rëndojnë mbi këtë grup janë dhe ato të kompanisë së basteve në pronësi të deputetit Mark Frroku dhe dy argjendari në Laç e Fushë-Krujë, ku personat e drejtuar nga Kupa visheshin dhe si ushtarak.
Të arrestuar si anëtar të kësaj bande janë, Ilir Kupa, Agustin Sula, Hajdar Sefa, Julian Qorrushaj, Angjelin Ndrekaj, Lin Kola.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
