Në një deklaratë të shkurtër, delegacioni i BE-së në Shqipëri konsideron se autoritetet shqiptare duhet të përfshijnë në axhendën e tyre problematikat që u identifikuan gjatë këtyre zgjedhjeve. “Delegacioni i BE-së i ka ndjekur përgatitjet dhe mbajtjen e zgjedhjeve vendore më 21 qershor 2015 me shumë vemendje dhe i përgëzon qytetarët e Shqipërisë për pjesëmarrjen dhe vendosmërinë e tyre për të ushtruar të drejtën e tyre demokratike për të votuar. Në përputhje me gjetjet dhe observimet paraprake të OSBE/ODIHR shpallur sot, ku verëhen nje numër sfidash, Delegacioni i BE-së i nxit autoritetet kompetente që të sigurojnë ndjekjen e duhur të rekomandimeve të Misionit të Vëzhgimit të Zgjedhjeve të ODIHR-it”, thuhet në deklaratën e zyrës së BE-së në Tiranë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
