Kreu i Komisionit Europian, Jean-Claude Juncker ka sulmuar qverinë greke, duke u shprehur se ndjehej “i tradhtuar” nga egoizmi i treguar në bisedimet për borxhin. Në një konferencë për shtyp në mesditë, Juncker tha se ky është një blof fëmijësh, ku nuk ka as fitues dhe as humbës.
“Nuk ka pasur kurth në propozimin tonë të fundit. Unë nuk do të jap kurrë një ultimatum. Prioriteti ynë është të gjejmë një zgjidhje. Besoj se është e mundur të arrihet një marrëveshje”, theksoi Juncker.
Ai tha më tej se, “Përpjekjet tona u thyen nga thirrja për referendum dhe fushata për t’i thënë jo kësaj marrëveshjeje. Qytetarët grekë që do të votojnë të dielën e ardhshme duhet të kenë një pamje të qartë të asaj çfarë ndodh. Unë kam bërë gjithçka munda, të gjithë bëmë gjithçka mundëm dhe nuk meritojmë kriticizmin. Po punojmë bashkë me kreun e Eurogrupit dhe Komisionin Europian, sepse ne duam të arrijmë një marrrëveshje”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
