Një plagosje me armë zjarri ka ndodhur në Tiranë sot, në afërsi të ish-kombinatit “Josif Pashko”. Viktimë e plagosjes ka mbetur Fatjon Vata, i cili ka marrë plagë në këmbë, jashtë rrezikut për jetën.
Pas njoftimit në vendngjarje shkoi policia e cila nga dëshmitë e para, identifikoi autorët e dyshuar si dhe mjetin me të cilin ata lëviznin.
Sipas policisë, autorët e dyshuar të plagosjes lëvizin me një mjeti tip “Benz” me targa AA 100 DP.
Lidhur me motivet e ngjarjes ende policia nuk ka dalë me ndonjë version, ndërkohë që ka shpallur në kërkim autorët e dyshuar. Mësohet se nga ana e policisë është bllokuar arma e zjarrit, një pistoletë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/