Qeveria po kërkon që paralelisht me rinovimin e eurobondit të viti 2010 prej 300 milionë eurosh, të marrë edhe një borxh të ri prej 200 milionë euro në tregun ndërkombëtar. Kjo kërkesë ka gjetur kundërshtimin e opozitës në Komisionin Parlamentar të Ekonomisë.
Një tjetër shqetësim, sipas deputetëve të opozitës, është fakti që po marrim borxh në një kohë kur shteti fqinj, Greqia, po kalon krizë ekonomike dhe kjo mund të ndikojë negativisht. Deputetë të opozitës kërkuan që qeveria të ketë gati një skenar për rreziqet që vijnë nga Greqia.
Ministri Shkëlqim Cani, reagoi për herë të parë sot lidhur me krizën greke, duke thënë se bankat greke në Shqipëri nuk preken. I pyetur për vërejtjen e Bankës Botërore, se edhe Shqipëria mund të infektohet nga kriza, Ministri Cani nuk bëri komente.
Qeveria kërkon të marrë 200 milionë euro borxh, opozita kundër
