Reformat e pakonsultuara me publikun janë tirani. Kështu u shpreh nga Vlora nënkryetari i Prezencës së OSBE-së në Shqipëri, Robert Wilton, në forumin rajonal për reformën e sistemit gjyqësor.
“Demokracia me pjesëmarrje i kthen të drejtat e qytetarëve në realitet. Gjithashtu, ajo e bën reformën më të fortë dhe reforma e fortë bazohet në më shumë se thjesht interesat e politikanëve”, ka deklaruar Wilton.
Ai ka vlerësuar se “reforma ka nevojë për ekspertizën e profesionistëve, për personat që japin mësim dhe praktikojnë drejtësinë, por edhe për ekspertizën e atyre që e zbatojnë atë”.
“Mbi të gjitha ka nevojë për zërat e qytetarëve, të cilët do të ndjejnë veprimin e saj ditë pas dite. Konsultimi me publikun kursen kohë, nëse nuk gjeni kohë për ta bërë saktë herën e parë, ku do të gjeni kohë ta bëni sërish”, është shprehur diplomati.
Ky sesion konsultimi është mbajtur në auditorët e Universitetit “Ismail Qemali”. Në të ishin të pranishëm juristë, avokatë, noterë e përmbarues, por dhe pedagogë e studentë të Fakultetit të Drejtësisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
