Analizat e sondes kozmike Philae publikuar sot në Kardiff tregojnë se në Kometen Tchouri mund të ketë jetë sipas shkencëtarëve.
Astronomët mendojnë se kometa emri i plotë i së cilës është Tchourioumov-Guerassimenko, mundet të ketë një formë të jetës si mikrobe të abandonuara.
Kjo është teza e prezantuar sot, më 6 korrik 2015 dhe transmetuar nga mediat më të njohura të Europës, nga dy astronautë gjatë një takimi shkencor në Britaninë e Madhe. Dhe nëse kjo konfirmohet do të përforconte shumë teorinë sipas së cilës kometat kanë luajtur një rol shumë të rendësishëm në paraqitjen e jetës mbi tokë. Komuniteti shkencor mendon se ato nuk kanë sjellë vetëm ujin por gjithashtu edhe oqeanet me molekula organike komplekse. Kometat pra janë trupa të vegjël të sistemit diellor që përbehen nga shtresa akulli dhe metarialesh organike dhe gurësh dhe që janë të rethuar me pluhur dhe gaz.
Terreni i kometës Tchouri është i ngjashëm me atë ku ka jetë. Qysh nga gushti Kometa Tchouri është e shoqëruar nga sonda europiane Rosetta në rrugën e saj në drejtim të diellit sot me një shpejtësi prej 32.9 km për sekondë. Të thënat që jane marrë nga misioni Rosetta kanë sjellë evidenca si shtresa të zeza të pasura në materiale organike të ndryshme dhe të mbyllura me akull. Imazhet tregojnë hapsira “detesh” por gjithashtu edhe liqene dhe kratere që munden lehtësisht të jenë të mbushura me ujë të ngrirë dhe që përmbajnë mbetje organike.
Sonda Rosetta ka treguar që Kometa nuk duhet të konsiderohet si një trup shumë i ftohtë dhe inaktiv por ajo është seli e fenomeneve gjeologjike dhe mundet të jetë edhe mikpritëse e mikroorganizmave siç janë edhe Arktiku dhe Antarktida në tokën tonë, siguron Max Ëillis në deklaratat e tij.
Zbulimi nga roboti Philae të molekulave organike komplekse të abandonuara, në sipërfaqen e Kometës kontribuojnë për të na dhënë një provë të prezencës së jetës, sipas dy kërkuesve.
