Policia financiare italiane ka bllokuar sot në aeroportin e Romës, Fiumicino, 600 mijë prezervativë kontrabandë të fabrikuar në Kine dhe që mbanin sipër emra të firmave shumë të njohura që prodhojnë këtë objekt në Europë, ka mësuar droni.al.
Prezervativët ishin paketuar në disa amballazhe që imitonin pothuajse njëlloj markat e njohura europiane.
Pasi janë bërë ekzaminimet në laboratore të specializuar doli se përdorimi i tyre ishte i rrezikshëm për shendetin e njeriut pasi kishin në përbërjen e tyre kimikate të rrezikshme.
Duke verifikuar rrjetin policia ka arritur në përfundimin se prezervativet ishin prodhuar në Kinë dhe do të depozitoheshin në Shqipëri nga ku shpërndaheshin edhe me blerje në internet. Bashkë me prezervativët policia ka bllokuar edhe produkte të tjera.
