Zgjedhjet e qershorit që lamë pas, kanë rritur qarkullimin e parasë. Të dhënat e pasqyruara nga Banka e Shqipërisë tregojnë se në periudhën maj-qershor janë tërhequr 90 miliard dollarë nga bankat. Të dhënat e bëra publike nga BSH, tregojnë konkretisht se paraja në qarkullim u rrit përgjatë muajve maj-qershor me 10.5 miliard lekë. Kjo sipas BSH-së përbën një nga rritjet më të mëdha historike.
Sipas ekspertëve, rritja e parasë në qarkullim vjen si rezultat i parasë që qarkullon jashtë bankave. Në një situatë normale, rritja e qarkullimit të parasë do të thoshte gjallërim i aktivitetit ekonomik për shkak të rritjes së kërkesës për para nga biznese dhe individë , por sipas ekspertëve ky zgjerim i aktivitetit ekonomik lidhet me një faktor tjetër, atë të zgjedhjeve. Ashtu siç ka ndodhur çdo vit gjatë fushatave elektorale, nga bankat tërhiqen shuma të mëdha parash për të financuar fushatat zgjedhore .
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
