Grupi më i famshëm muzikor i dalë nga talent show “X-Factor UK” në Britani, “One Direction” do të ndahet. Lajmin e bën të ditur gazeta “The Sun”, e cila njofton se djemtë e grupit Harry Styles, Liam Payne, Louis Tomlinson dhe Niall Hora do të ndahen në muajin mars të vitit 2016, pas publikimit të albumit të tyre të pestë. Sipas gazetës, djemtë mund të fillojnë një karrierë muzikore solo.
Grupi “One Direction” që fitoi famën gjatë X-Factor UK, ka korrur një sukses të jashtëzakonshëm për pesë vite të qëndrimit si grup. Pas largimit të njërit prej anëtarëve, Zayn Malik në mars të vitit 2015, edhe katër antëarët e tjerë do të ndahen, për t’u bashkuar sërish në një të ardhme, por siç raporton “The Sun”, për momentin ky është fundi i grupit 1D.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
