Disa nga ekspertët e njohur të ekonomisë janë përfshirë në një debat lidhur me mekanzimin që kanë përdorur bankat për të ulur nivelin kredive të këqija. Në gjashtë muajt e parë të vitit bankat fshinë gati 11 miliardë lekë kredi të pambledhura nga bilancet e tyre.
Kjo është hera e parë që bankat private pastrojnë bilancet nga kreditë e këqija dhe ky operacion diktohet nga një rregullore e re e miratuar nga Banka e Shqipërisë.
Zef Preci, studies në ekonomi dhe ish-ministër i Energjisë dhe Minierave thotë se : “Ndonese nuk thuhet qarte, mendoj se kemi te bejme me nje situate ne te cilen: nese nje debitor nuk arrin te paguaje borxhin qe ka me banken, per blerje shtepie, hapje biznesi, etj., atehere banka ka te drejte ta perfshije borxhin ne humbje. Pra ligji lejon te zbritet borxhi nga taksat qe duhet te paguaje banka mbi fitimin e realizuar ne periudhen raportuese te bilancit.
Dmth njelloj amnistie per bankat pa ja vene kete emer, ose perndryshme me shume fitime per to dhe me pak taksa ne buxhet… Une mendoj se bankat kane probleme menaxhimi, funksionojne si oligopol dhe kane korrupsion ne alokimin e kredive bankare…”.
Por bankieri Elvin Meka mendon krejt ndryshe lidhur me pastrimin bankave nga kreditë e këqija: “Bankat kane te drejte me rregullore te heqin nga bilanci kredite e humbura (pra ato kredi qe konsiderohen te humbura dhe pa shprese arketimi, pasi kalon afati 365 ditor nga pagesa e fundit qe ka bere klienti). Me kere rast behet fjale per kredi qe kane 3 vjet ne bilanc dhe rrijne kot, duke bllokuar nje fond provigjonimi te barabarte me 100% te kredive te paktheyra dhe te pashlyera.
Heqja e kredive te keqija nga bilanci permireson automatikisht mjaftueshmerin e kapitalit te bankes, permireson ndjeshem cilesin e portofolit te mbeture te huas dhe inkurajon banken te vijoje me procesin e kreditmit”.
Në vijim Meka bie dakord që menaxhimi i procesit të kreditimit ka probleme: “Sigurisht nje nivel kaq i larte i huave me probleme patjeter qe lidhet edhe me cilesin e portofolit te huave dhe me procesin e huadhenies masive”, thotë ai.
Të dhënat zyrtare nga BSH tregojnë se në fund të qershorit kreditë me probleme ranë në nivelin 20.3 për qind, nga 22.7 për qind që ishin në tremujorin e parë të vitit.
Rënia me 2.4 pikë përqindje brenda një tremujori është më e forta e regjistruar ndonjëherë që nga fillimi i krizës dhe 80 për qind e saj vjen pikërisht për shkak të fshirjeve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
