Papa Françesku ka thënë se gratë që kanë kryer aborte si edhe mjekët që kryejnë procedurën e abortit do të falen nga priftërinjtë katolikë. Sipas të dërguarit të BBC në Vatikan,mësohet se në kuadër të Vitit Jubile, që zgjat nga 8 dhjetori deri më 26 nëntor të vitit të ardhshëm, do të falen gratë që abortojnë, që do të thotë se kjo është një masë e përkohshme.
“Kam vendosur të lejoj të gjithë priftërinjtë që për Vitin Jubile të shfajësojnë nga mëkati i abortit atë që e bën dhe atë që kërkon falje”, u shpreh Papa Françesku.
Në doktrinën e Katolicizmit, aborti konsiderohet një mëkat aq i rëndë saqë paralajmëron shkishërimin e personit. Por, Viti Jubile, i cilësuar si një nga eventet më të rëndësishme të kalendarit të Kishës Katolike dhe figura e Atiti të Shenjtë që i sheh dhembshurinë dhe mëshirën si virtyte që mbizotërojnë ndaj të tjerave, kanë bërë që të lehtësohen rregullat e abortit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
