Ilir Meta ka dhënë shpjegimet e tij lidhur me akuzën që kanë bërë mediat dhe opozita këto ditë për një aferë tjetër korrupsioni ku Ilir Meta besohet të jetë përfshirë.
Deklarat e Metës: “Persa i përket dorëheqjes sime për një shkrim në një agjenci lajmesh kam detyrim t’ia bëj të qartë opozitës se do të respektoj kërkesën e tyre per doreheqje. Kam kohë dy vjet. Së dyti, kjo kompani avokatore që ju i referoheni thoni se është kontraktuar nga qeveria aktuale kam një pyetje; nëse Sait Dollapi është anëtar i asamblesë së PS apo i këshillit kombëtar të PD. Kjo kontratë është firmosur me 1 korrik 2013 në Mynih nga Clifford Chance dhe Sait Dollapi për CEZ. Kjo kompani ka qenë kliente për qeverinë për shumë cështje të tjera. Kompania në fjalë ka bërë një sqarim për mua se nuk përmendet emri im. Ka pasur shumë ish-kryeministra që nuk dua ti paragjykoj. Nuk e përjashtoj që dikush apo i afërm i tij të ketë përfituar nga cështje të tilla por e përjashtoj që ky që ka përfituar të jetë ish-Kryeministri Ilir Meta. Të gjithë e dinë se kush e ka emëruar ERE, kush e kontrollonte ERE. Kryeministri që ka përfituar nuk mund të ishte dhe nuk mund të jetë Ilir Meta. Nëse dyshoni coni këto letra në prokurori”.
Meta nuk ka komentuar rreth deklarimit të ish-kryeministrit Berisha se ai ka influencuar kontratën kur ishte ministër i Jashtëm duke u shprehur në emër të qeverisë pa asnjë autorizim prej saj. Kryetari i parlamentit po ashtu nuk ka shpjeguar edhe udhëtimet e tij ën Pragë në kohën kur kontrata po hartohej si dhe akuza të mëhershme bërë nga mediat lidhur me këtë cështje. Meta është mjaftuar vetëm të sjellë në vëmëndje kohën kur është bërë kontrata me kompaninë avokatore për cështjen DIA-CEZ
