Forumi Rinor i Partisë Demokratike pritet të bëjë zgjedhjet brenda vjeshtës duke shënuar kështu një votim brenda PD-së për këtë forum që prej vitit 2001 kur u zgjodh kryetar i tij Sokol Olldashi.
Burime nga PD thonë se kryetari i saj Lulzim Basha ka nisur përgaditjen e procedurave përmes të cilave do të vijojë gara për zgjedhjen e kreut të FRPD.
Aktualisht kryetar i organizatës rinore në PD është deputeti Gert Bogdani i cili zëvëndësoi Sokol Olldashin në vitin 2009, kur ky i fundit dha dorëheqjen nga drejtimi tij.
Pritet që gara të jetë shumë e fortë dhe numri i konkurentëve i madh. PD ka mbledhur rreth forumeve drejtuese të saj emra të rinj në shumicë të cilët nuk kanë konfirmim publik. Ky është një rast që shumë prej tyre të kenë protoganizëm cfarë do t’i ndihmojë të identifikohen masës së anëtarëve të partisë.
